Asia
ਪੁਤਿਨ ਨੇ ਜੰਗਬੰਦੀ ਤੋਂ ਪਹਿਲਾਂ ਰੱਖੀ ਸ਼ਰਤ, ਪਹਿਲਾਂ ਪਾਬੰਦੀਆਂ ਹਟਾਓ।
ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਰੂਸ ਅਤੇ ਯੂਕਰੇਨ ਵਿਚਕਾਰ ਕਾਲੇ ਸਾਗਰ ਵਿੱਚ ਇੱਕ ਨਵੇਂ ਜੰਗਬੰਦੀ ਸਮਝੌਤੇ ਨੂੰ ਉਹਨਾਂ ਸਮੇਂ ਤੱਕ ਤਰੁੰਤ ਲਾਗੂ ਕਰਨ ਤੋਂ ਇਨਕਾਰ ਕਰ ਦਿੱਤਾ ਮਾਸਕੋ ਨੇ ਚੇਤਾਵਨੀ ਦਿੱਤੀ ਕਿ ਇਹ ਸਮਝੌਤਾ ਸਿਰਫ ਉਥੋਂ ਹੀ ਲਾਗੂ ਹੋਵੇਗਾ, ਜਦੋਂ ਰੂਸ ‘ਤੇ ਲਾਗੂ ਪਾਬੰਦੀਆਂ ਹਟਾਈ ਜਾਣਗੀਆਂ, ਜਿਨ੍ਹਾਂ ਨੇ ਉਥੇ ਹਮਲੇ ਤੋਂ ਬਾਅਦ ਕ੍ਰੇਮਲਿਨ ਨੂੰ ਅਲੱਗ-ਥਲੱਗ ਕੀਤਾ ਸੀ।
ਰੂਸ ਨੇ ਯੂਕਰੇਨ ਨਾਲ ਸਮੁੰਦਰੀ ਜੰਗਬੰਦੀ ਦੀ ਸ਼ਰਤ ਵਜੋਂ ਵਿਸ਼ਵਵਿਆਪੀ ਭੋਜਨ ਅਤੇ ਖਾਦ ਬਾਜ਼ਾਰਾਂ ਤੱਕ ਪਹੁੰਚ ਅਤੇ ਅੰਤਰਰਾਸ਼ਟਰੀ ਬੈਂਕਿੰਗ ਪ੍ਰਣਾਲੀਆਂ ਵਿੱਚ ਦੁਬਾਰਾ ਸ਼ਾਮਲ ਹੋਣ ਦੀ ਮੰਗ ਕੀਤੀ।
ਵ੍ਹਾਈਟ ਹਾਊਸ ਨੇ ਮੰਗਲਵਾਰ ਨੂੰ ਸਾਊਦੀ ਅਰਬ ਵਿੱਚ ਰੂਸ ਅਤੇ ਅਮਰੀਕਾ ਵਿਚਕਾਰ 12 ਘੰਟੇ ਦੀ ਗੱਲਬਾਤ ਤੋਂ ਬਾਅਦ ਕਾਲੇ ਸਾਗਰ ਜੰਗਬੰਦੀ ਦਾ ਐਲਾਨ ਕੀਤਾ। ਇਹ ਐਲਾਨ ਦੋਵਾਂ ਪਾਸਿਆਂ ਵੱਲੋਂ ਲੰਬੀ ਚੁੱਪੀ ਤੋਂ ਬਾਅਦ ਆਇਆ।
ਹਾਲਾਂਕਿ, ਪਿਛਲੇ ਕੁਝ ਹਫ਼ਤਿਆਂ ਤੋਂ, ਵੋਲੋਦੀਮੀਰ ਜ਼ੇਲੇਂਸਕੀ ਅਤੇ ਯੂਰਪ ਵਿੱਚ ਉਨ੍ਹਾਂ ਦੇ ਸਹਿਯੋਗੀਆਂ ਵੱਲੋਂ ਰੂਸ ‘ਤੇ ਸ਼ਾਂਤੀ ਗੱਲਬਾਤ ਵਿੱਚ ਦੇਰੀ ਕਰਨ ਦਾ ਦੋਸ਼ ਲਗਾਇਆ ਜਾ ਰਿਹਾ ਹੈ।
ਸਾਊਦੀ ਅਰਬ ਵਿੱਚ ਗੱਲਬਾਤ, ਪੁਤਿਨ ਅਤੇ ਡੋਨਾਲਡ ਟਰੰਪ ਵਿਚਕਾਰ ਹੋਈ ਇੱਕ ਫੋਨ ਕਾਲ ਤੋਂ ਬਾਅਦ ਆਯੋਜਿਤ ਕੀਤੀ ਗਈ, ਜਿਸ ਵਿੱਚ ਰੂਸੀ ਰਾਸ਼ਟਰਪਤੀ ਨੇ 30 ਦਿਨਾਂ ਦੀ ਜੰਗਬੰਦੀ ਦੀ ਪੇਸ਼ਕਸ਼ ਨੂੰ ਸਵੀਕਾਰ ਕਰਨ ਤੋਂ ਇਨਕਾਰ ਕਰ ਦਿੱਤਾ।
ਜ਼ੇਲੇਂਸਕੀ ਨੇ ਕਿਹਾ ਕਿ ਇਹ ਸਮਝੌਤਾ ਅਸੀਂ “ਤੁਰੰਤ” ਲਾਗੂ ਕਰਨ ਨੂੰ ਤਿਆਰ ਹਾਂ ਪਰ ਰੂਸੀ ਜੰਗੀ ਜਹਾਜ਼ਾਂ ਦੀ ਕਿਸੇ ਵੀ ਗਤੀਵਿਧੀ ਨੂੰ ਕਾਲੇ ਸਾਗਰ ਦੇ ਪੂਰਬੀ ਹਿੱਸੇ ਤੋਂ ਬਾਹਰ ਦੇਖਿਆ ਗਿਆ ਤਾਂ ਅਸੀਂ ਇਸਨੂੰ ਯੂਕਰੇਨ-ਰੂਸ ਸਮਝੌਤੇ ਦੀ ਉਲੰਘਣਾ ਦੇ ਤੌਰ ਤੇ ਵੇਖਾਂਗੇ ।
“ਜੇਕਰ ਰੂਸ ਇਸ ਸਮਝੌਤੇ ਦੀ ਉਲੰਘਣਾ ਕਰਦਾ ਹੈ ਤਾਂ ਅਸੀਂ ਉਲੰਘਣਾ ਦੇ ਸਬੂਤ ਨਾਲ ਅਸੀਂ ਭਵਿੱਖ ਵਿੱਚ ਅੰਤਰ ਰਾਸ਼ਟਰੀ ਭਾਈਚਾਰੇ ਕੋਲੋਂ ਰੂਸ ਉੱਤੇ ਪਾਬੰਦੀਆਂ ਦੀ ਮੰਗ ਕਰਦੇ ਹੋਏ ਆਪਣੀ ਮੱਦਦ ਲਈ ਹਥਿਆਰਾ ਦੀ ਮੰਗ ਕਰਾਂਗੇ।
ਰੂਸ ਨੇ ਤਜਵੀਜ਼ ਦਿੱਤੀ ਕਿ ਤੁਰਕੀ ਜੋ ਦੋਵਾਂ ਧੜਿਆਂ ਦੇ ਨਾਲ ਸੰਬੰਧ ਹਨ ਉਹ ਕਾਲੇ ਸਾਗਰ ਉੱਤੇ ਸਥਿਤੀ ਦੀ ਨਿਗਰਾਨੀ ਕਰ ਸਕਦਾ ਹੈ, ਜਦਕਿ ਇੱਕ ਮੱਧ ਪੂਰਬੀ ਦੇਸ਼ ਊਰਜਾ ਸੰਬੰਧੀ ਸਮਝੌਤੇ ਦੀ ਦੇਖ ਰੇਖ ਕਰ ਸਕਦੇ ਹਨ ।